web 2.0

London Bridge Is Falling Down

 

By: Hamid  Ateeq

لندن دا پل ٹٹ چلیا اي

میری پیاریئے گوریئے میمے

 

لکڑ، گارا لے کے آئیے

رل کے پل نوں فیر بنائیے

 

لکڑ گل کے ٹٹ جانی اے

قسمت تیری پھٹ جانی اے

گوریئے میمے۔۔۔۔

لکڑ ہاریئے گوریئے میمے

 

اٹاں پتھر لے کے آئیے

رل کے پل نوں فیر بنائیے

اٹاں، وٹے وگ جانے نیں

نوٹ ہزاراں لگ جانے نیں

ٹھیکیداراں۔۔ٹھگ جانے نیں

گوریئے میمے۔۔۔۔

سخت وچاریئے۔۔گورئيے میمے

 

لوہیا، سریا لے کے آئیے

رل کے پل نوں فیر بنائیے

لوہیا لف کے ڈھے جانا اے

ایف آئی اے نے لے جانا اے

تیتھے، مدعا پے جانا اے

گوریئے میمے۔۔۔۔

قسمت ہاریئے گوریئے میمے۔۔۔۔

 

چاندی ، سونا لے کے آئیے

رل کے پل نوں فیر بنائیے

چاندی ، سونا چوری ہو جاؤ

تیری ڈنڈا دوری ہو جاؤ

ساری ختم سٹوری ہو جاؤ

گوریئے میمے۔۔۔۔

اجڑن ہاریئے گوریئے میمے۔۔۔۔

 

چوکیدار بٹھا لینے آں

خرچہ ہور ودھا لینے آں

 

چوکیدار نے۔۔سو جانا اے

پل نے غائب ہو جانا اے

پلساں تینوں دھو جانا اے

گوریئے میمے۔۔۔۔

لیکھوں ماڑیئے گوریئے میمے۔۔۔۔

 

چوکیدار نوں بھکا رکھیئے

نالے اس کول حقہ رکھیئے

کھنگاں دا طوفان اٹھایئے

سارے ڈاکو، چور نسایئے

رل لندن دا پل بچایئے۔۔۔

گوریئے میمے۔۔۔۔

 

 

Tags:

Comments (2) -

Riaz Sweden, on 7/1/2011 1:27:43 AM Said:

excellent

Amit Julka United Kingdom, on 7/18/2011 7:12:15 AM Said:

Brilliant!

Add comment